有聰明的山友已經估中左啦，今日我地所去的地方，係新近開幕的污泥處理廠 T Park。
有時去得多尋幽探秘，都要搞下輕鬆團洗滌下心靈嘅。
T Park 所位處的地方叫稔灣，其實即係「新界西北堆填區」所處的位置，政府為左處理香港人生成的排泄物，於是就起左呢個污泥處理設施將佢「轉廢為能」，然後順道起個園區畀大家參觀下。
園區雖然難免有少少臭味，但都幾大幾舒服，仲有個 Spa 池畀大家玩下水，都不失為周末閒遊之選呀。
講起上黎，山城縱走已經係第三次去新界西北堆填區了...... 真係同垃圾有緣呀.....